ഓണ്ലൈന് മദ്യ വില്പ്പന ഭാഗികമായി വിജയകരമാണെന്നും ബെവ്കോ അറിയിച്ചു. തിരുവനന്തപുരം പഴവങ്ങാടി ഔട്ട്ലെറ്റിലാണ് പരീക്ഷണ വില്പ്പന നടത്തിയത്. ഓണ്ലൈനില് വില വിവരങ്ങള് ബെവ്കോ സൈറ്റില് പ്രസിദ്ധീകരിച്ചു. ബിവറേജസ് കോര്പ്പറേഷന്റെ സൈറ്റില് കയറി ഓണ്ലൈന് വഴി പണം അടച്ച് മദ്യം വാങ്ങാനുള്ള സൗകര്യമാണ് സര്ക്കാര് ഒരുക്കുന്നത്. സൈറ്റില് കയറി, ഇഷ്ടമുള്ള ബ്രാന്ഡ് തെരഞ്ഞെടുത്ത് പണം അടച്ചാല് മതിയാകും.
കേരളത്തില് മദ്യഷോപ്പുകള് രണ്ടുതരത്തിലാണ് പ്രവര്ത്തിക്കുന്നത്. കണ്സ്യൂമര് ഫെഡിന്റെ ഔട്ട്ലെറ്റുകള് മുഖേനയും ബിവറേജസ് കോര്പറേഷന്റെ ഔട്ട്ലെറ്റുകള് മുഖേനയും. ഈ രണ്ട് ഔട്ട്ലെറ്റുകളും ചേര്ന്ന് 301 ഷോപ്പുകളാണ് കേരളത്തിലുള്ളത്.
മദ്യവിതരണ കമ്പനിയായ മാരിടൈം ആന്റ് മെര്ക്കന്റൈയില് ഇന്റര്നാഷണല് ആഫ്രിക്കന് ആന്റ് ഈസ്റ്റേണുമായി സഹകരിച്ചാണ് മദ്യം ഓൺലൈനിൽ ലഭ്യമാക്കുക.
ആലുവ സ്വദേശി ജി. ജ്യോതിഷാണ് കൊവിഡ്-19 രോഗത്തിന്റെ പശ്ചാത്തലത്തില് പുറത്തുനിന്നും മദ്യം വാങ്ങാന് വാങ്ങാന് കഴിയില്ലെന്നും മദ്യം ഓണ്ലൈനില് ലഭ്യമാക്കണമെന്നാവശ്യപ്പെട്ട് കോടതിയെ സമീപിച്ചിരുന്നത്. അടിയന്തര പ്രാധാന്യമുള്ള വിഷയം ആണെന്നും ഹർജിക്കാരൻ ചൂണ്ടിക്കാട്ടിയിരുന്നു.